goldfish08 on Xanga

Weblog

Saturday, 03 November 2007

返左工又一個月啦   時間真係過得快    又到左出人工o既時間
呢個時刻永遠都係最開心o既~
我亦都開左匯豐o既account 因為唔想過戶就扣我手續費   好奸呀
今個月出糧係最開心o既    因為今個月冇上一個月o甘辛苦
好多野都可以開始上手
最重要我可以得閒串下我老闆
呢幾日佢又成日講埋d中文粗口串我    仲話自己d中文好prefect   =.= 滴汗呀
好似沈日佢又講埋d好變態o既野
boss : 個customer話supplier整個figurine整得唔係好好
我      : 有咩問題
boss : 個公仔係披住個wolf skin架, 你唔覺個supplier整得個頭太大個好似女人o既胸咩
             (抵死得佢仲要加一句)   好似我老婆o甘啦
我       : (我即時stop佢)   得啦    你唔洗再講啦
boss   : 係個客同我講架o乍    你唔覺得好似咩   哈哈
於是我同d同事講返    有一個同事話我老闆性騷擾我
呢個笑話全公司都知道~

佢沈日臨返大陸前
我同佢講 : nicolas   你千萬唔好miss我
boss         : phyllis    don"t cry please
突然法國女仔alexia加左句黎
我從未見過有assistant會叫個boss唔好掛住自己    除非係有d special relationship
全公司爆笑
我boss即時答左一句: phyllis    你性騷擾我    我要打俾我律師
---->痴線o架~
其實我初初見我老闆好似好書生feel   點知   原來o甘多個老闆入面
佢係最無聊o既一個    唉~
最近我先知原來車錢都可以有得俾返    我要遲d同boss反映一下先~
下個星期佢去法國   去成差唔多兩個星期   我今次真係冇王管啦~yeah~

沉日又發生左一年事     我第一次飲醉酒
有個船公司invite我地公司d人去german beer festival o係marco polo搞o既
去到之後我地就飲啤酒   其實我total飲左3杯    再另加兩小支酒精成份都應該幾高o既酒
初初我都係坐o係度     但後來出埋去同d老闆介有同事跳舞
我都開始發覺自己d行為有d crazy 啦~
無端端俾人拉左上台玩game    係吹一個德國o既樂器
好多人都吹唔倒     但我唔知點解吹吹下又吹倒
而且俾我傻傻下贏埋其他人
呢個時候有個德國表演男人同我鬥飲酒(當時o係台上   好多人有睇我好懷疑o個時o個個係唔係我)
當時係佢贏啦    不過我都成杯飲晒 -->last 一杯
落左台之後   我已經經入一個high o既狀態
有一個boss---pascal話影左我個video   遲d會俾返我個boss睇   my boss
我有d記得當時我講左好多野但我唔記得左
我只係不停o甘講   i am the champion, nicolas will be proud of me, i won"t go to work tomorrow.
但當時佢老婆有黎    仲問我有冇事    我覺得我一定嚇親佢啦
另外一個boss--greg竟然打俾我老闆   而我就不停repeat 上而o個一句
但我唔知佢知唔知我今日其實係有返工o既呢
差唔多走o個時    其中有兩個老闆竟然鍚左我同fanny塊面
而我當時仲同fanny講 : 你老闆錫左我地兩個wo
fanny就醉醉下o甘答 : 係lor    蝕晒tim    我地快d返屋企洗面o者~

到左我走o個時我同船務女仔fanny一齊坐巴士   alexia 同eric都一齊走
我一路行   一路講 i can walk on straight---->原來我一醉會係o甘好得人驚
最後我地兩個點樣上車   同我點樣落車   我真係唔係好記得
我點解可以識落車    可以憑住o個小小o既意識啦~
我阿爸係巴士站等我    基本上係''拖''我返屋企
佢話我一路行一路語無論次
佢問我 : 你聽日洗唔洗返工呀
我就答 : 我話返就返唔返就唔返   我話事o架~
我阿爸都冇氣話我
當我到時屋企o個時
佢話我講左一句 ''呢度就係我屋企lor''
到左今日佢都冇話唔俾我去   不過就叫我唔好飲o甘多
joanna聽左之後都話好想去
如果下次有得帶你去   我一定帶你去   因為你到時都會一樣   哈哈

呢d相都係我未醉o個時影o既~都係奉勸大家一句     就算要醉
都要搵個清醉o既人係你隔離.....................

d人好high

呢個係其中一個老闆   佢已經係未飲先醉    同平時o既佢一d都唔似

呢個係大會俾o既紀念品好有價值    下次唔可以再飲o甘多

呢個就係我贏左個game o既禮物~

Friday, 05 October 2007

都有一排冇打xanga啦~因為上個星期成日出去玩
變左冇時間打呵呵呵~

上個星期老闆有好多日唔o係度   變左做野做得好free
得閒有時就同人吹下水
上星期六o個日   老闆竟然同我講話我已經成功過左probation
真係好開心    估唔到o甘快可以過左個probation
而且老闆仲出埋人工俾我
而且佢仲同我講   星期一至六o既lunch都會有資助
maximum 係45蚊一餐    我真係好開心o架
因為飯錢我可以唔洗俾   又唔自己洗帶
而且都做得好開心

上個星期佢話之今個星期帶我返上大陸睇廠
點知沈日問佢   佢又冇左呢回事
話一定係下個星期   我真係o晒咀    哈哈

呢個星期maxime返左大陸    突然覺得好靜
不過都好啦~   唔洗俾佢整估
同個女仔好多野講
傾左好多公司o既野    有時又會聽佢申下

原本人地maxime同alexia叫joanna上個星期五同我地一齊食lunch
點知佢唔得閒諗住話今個星期啦
不過人地就返左大陸    仲一返返左成個星期
呢d就係無緣啦~
唔知幾時有得真係一齊食呢?

今日個個同事都好忙係我冇咩野做有d發呆
聽日決定拎個鞋盒返公司''long''腳先
因為張椅同台好高我對腳成日fing下fing下o甘
早兩日訓覺仲腳抽筋tim~有時張腳又痺痺地~都係拎返去''long long''先~

今日係我第一次俾家用
發覺     真係要開始照顧屋企人啦~
我諗我都要慳d先~

做左野一個月    發覺其實做野都幾岩我呀
又唔係想像中o甘差
而且好多野都係我之前估唔到
我應該要好好珍惜

Wednesday, 26 September 2007

日日返工都係對住d英文    發覺自己英文好鬼差
有時想講o個樣野   都唔知表達左d咩

返工     100%係用英文reply d email 因為打唔倒中文
雖然我有時都希望可以用中文打下野   但係唔得

返工    90%時間係用英文同人溝通    因為我個位附近o個d都係法國人
有時教下佢地講普通話   有時佢地又教我講一兩句法文
''comment ca va''--->原來係''我好好, 多謝''o甘o既意思啦~

返工   50%係用普通話同d supplier講野因為我成日都要追佢地個delivery date
有時佢地講d term我唔明    我講d term佢地又唔明
啞晒~

返工   得15%係用中文講野   我發覺我開始有小小精神分裂

就連食lunch同alexia一齊   我地都係用英文講野
但有時我唔係好明佢講咩    可能佢有d法國口音啦~

沈日   我同maxime為左一個supplier o既電話
竟然討論到''Chinese is stupid" o既問題
我當然係反對啦佢就覺得chinese 係stupid
我地足足為左呢個topic嘈左5-10分鐘o甘耐
哈~    好無聊    最後我話stop先得
因為我地再為呢個topic嘈o既話   可以講到好多area
原來o係外國人眼中    chinese係好stupid 好dirty 仲話chinese cusine好難食
但我唔覺得lor~
我話china stronger than before la~點可以o甘講o架~
又話中國d product quality好差呢個我都認同o既
但問題係你地都要靠我地中國同你地做business呀

不過我都想講    中國    你究竟幾時先可以真真正正強大呢?
起碼可以俾倒d信心人地呢?
至少人地唔會覺得係''stupid''呀~

***********************************************************
One day, if i ask you'' do you believe destiny?''
What will you say?
Is it all the route arranged by god?
But there is a big difference between here and there.
So many deifferences.
I can tell you, all my thoughts are not true.
All of the pictures are my illusion.
I am ....................just WAITING.................................

Thursday, 20 September 2007

話o甘快又差唔多過左一個星期啦   時間過得好快
o係呢間公司返工真係覺得快呀~
可能比我上一次o個份做得開心啦    所以我做下做下o甘又一日啦~
boss pass俾我d file開始多    最大o既問題係我唔知點用個system去整一d invoices出黎
呢個係好難做o既~
加上我要聽我boss o個d半鹹唔淡o既英文    有時真係唔知佢講咩
呢兩日佢返大陸     叫我去買火車飛又有好多file跟
仲有一樣野就係boss隨時打電話俾我 --->好一個奪命追魂call
今日又係好多野做下

到左lunch我竟然跌入左一個trap入面
我以為alexia, maxism 阿simon同我4個去食飯
點知alexia冇同我地去得我地3個
maxism仲話''you don:t have to be afraid''--->我o晒咀啦~
我地3個行   佢兩個一望住我講法文我就知佢地一定笑我
好在simon都會幫我translate下
去到餐廳   見倒另一個租我地公司o既另一個boss
四個一齊食飯     俾其他人眼望望    我唔知有咩反應好~
點知o個個o甘o既maxism竟然叫我''spicy phyllis''   又話我係''french disease''
傻o架~.......................................
個boss好好人   同佢吹下水
佢仲識講中文o巴既''粗口''   佢一講我就笑   點知o個個死人maxism竟然用返黎串我
真係想殺左佢   佢仲叫我同佢fight過    點解d人會o甘o架~
今日就放工o個時又俾佢整蠱我
alexia都話佢傻      我好無奈呀~
不過日子o甘樣令我覺得過得好快~
聽日係simon o既last day
唔知佢走左之前會有邊個replace 佢個位呢?

Sunday, 16 September 2007

返左工都有一個星期    初初幾日真係好辛苦下
因為要同boss用英文溝通   而我又唔係好聽得明佢o個d法國o既英文
所以初初我連聽fax都聽左4 -5 次先知佢講咩~
不過呢兩日開始好左小小
而boss都幾好人    d同事又好好人
有幾個法國trainee   佢地個樣睇落好大個      有一個男仔佢幾靚仔o架
就坐係我斜後面    佢成日搞笑不過就好似好細個o甘
仲話我似15歲    我心諗唔係呀
不過睇返   全公司入面最矮o個個就係我啦~所以佢話我細個都係真o既~
公司真係好鬼casual    我見d同事成日著T-shirt    牛仔褲
於是我又有樣學樣又係著成o甘    boss都冇話我
因為我都唔洗見客     係同d supplier仲有d customer contact
不過最好笑o既係一直都係boss contact d customer
因為d customer都係法國人    但o個日boss竟然叫我contact wo
我連佢地d名都唔識讀     搞到我要問個男仔同女仔點讀
好好笑lor~
不過d同事同d人都好nice    令我會覺我呢一份工係可以做得長o既~
一個月前冇諗過會係o甘
冇諗過會o係外國公司做     亦都冇諗過我會直接under我boss做佢assistant
呢d係唔係命運o既安排呢?
我唔知   我仲諗    如果我係仲讀書o既話    我已經冇機會o係呢d公司做野
好似   冥冥中都會有一d安排o甘
其實有時係唔係唔需要太著意會點行     因為上天一切自有佢o既安排呢????

法國人d禮儀好鐘意成日kiss    第一次見我真係嚇親
好在佢地唔會對我o甘~    如果唔係我一定嚇死左哈哈
joanna話我執倒wo    佢話如果法國靚仔走o個時錫我   我執倒
我話     都係唔好啦    俾佢攬下就得    錫我就暫時未接受
我唔係d o甘open o既人黎o架o乍~ o喜o喜~
不過返工o個幾日真係有好多笑話~
一日就o甘過得好快~
我想快d放中秋呀~